Vinsamlegast athugið ! Það eru margar myndir hér að neðan og því gæti það tekið vafrann þinn þónokkra stund að lesa þær inn.

Bæjarteikningar

Upp úr aldamótunum 1900 var lagður grunnur að þeim mælingum hér á landi sem stór hluti korta af Íslandi hefur byggst á til þessa. Danska hermálaráðuneytið gaf út tilskipun til landmælingadeildar herforingjaráðsins um að leggja grundvöll að nýjum landmælingum og kortagerð á Íslandi. Þetta mikla verkefni stóð yfir í 27 sumur á árunum 1900 til 1940, þar með talinn allur undirbúningur.

Í þessari teikningaskrá eru sérmælingar og gerð uppdrátta af íslenskum bæjum, þéttbýlissvæðum og þorpum. Gerð uppdráttanna fór fram á tímabilinu 1902-1920. Númerin í flokki uppdrátta af bæjum og þéttbýlum eru þannig byggð upp (dæmi B27L001) að fyrsti stafurinn, B, táknar uppdrátt af bæ eða þéttbýli, annar og þriðji stafurinn (27) tákna kortnúmer í Atlaskortaflokki 1:100 000, staðsetningu bæja eða þéttbýla. Fjórði stafur, L, táknar að teikningin er í lit, ef stafurinn S væri í stað L táknaði hann svart/hvítt ljósrit. Síðustu þrír stafirnir (001) eru raðnúmer teikninganna.